السلام عليكم ورحمة الله
واش راكم يخي لباس ...
سلامة ريسانكم
ليوم جبتلكم موضوع خفيف وحيوي باش نخفو على لي عقبو البيام شوي داك الشوك لي عاشوه ولي مريينا بيه لكل
أكم عارفين هذولا يمات البيام وصحاب البيام ربي يعينهم ولي بحالتي خلاص تخطى هذه المرحلة
في هذه الايام يتفكر اول يوم عقب فيه البيام
أيا جماعة اليوم راح كامل تحكيو على أول يوم عقبتو فيه البيام كيفاش كان
وراح نبدا أنا بسم الله
في أول يوم ليا كنت دايخة ومشوكيا وقاتلتني الرعشة ...وهذا لكل ماشي بسبت البيام
كانت عايلتي هي الي مقلقتني
الصباح نوض نلقاهم لكل حاضرين ومحضرين قائمة تاع نصائح وارشادات
يما تعرفني مانحبش الماكلة على صباح ولقيتها معمرة طابلة بابا خلاص قلبو هبط في سباطو ومزالو يقولي ركزي بنتي مليح في السؤال ...ويما تقول فهم السؤال نصف الجواب
وخويا يقولي ركزي وخالي وخالتي....جدو الكل رجع همهم الوحيد نوال ...الجدا جابتلي ماء زمزم وبقات تدعيلي
ونوال حكمتها القلقة وخلاص ماعدتش تكوسونطري روحها ....حتى خرجت من الدار
وصلت مركز الامتحان وعند الباب لقيت 3 تاع لومبيلونس ...وزيد الأمن والشرطة قلت راني في ليرجونس حسبت روحي غلطة في العنوان وقلت واش راني نواسي أنا في السبيطار ...سيوور الخلعة تلفتلي حتى الطريق ....والحمدولله عيطتلي صحبتي فقت بروحي
دخلنا للقاعات وكل واحد أحكم بلاستو ....وبداو يوزعو في الحلوة زعمة باش السوجي يجي حلو
وحتى حطولي السوجي عاد قلبي برد وراحت الخلعة وخلاص كلشي ....
وكي جيت خارجة من مركز الامتحان نلقى الكل عند الباب
ايا هذا أول يوم ليا مع البيام كيفاش كان ...ههههه والله كي نتفكرو نبقى نضحك
أيا الشاطرين ...كاش واحد ولا وحدة تفكرنا بأيام البيام وكيفاش عقبتو اليوم الاول
وهذا هو الموضوع اذا عجبكم تبارك الله ...واذا معجبكمش
تحياتي