بسم الله الرحمان الرحيم
موضوع للنقاش قولونا علاش مكاش لي راضي بالحالة لي راهو فيها .....مفهمتوش ...معليش نشرحلكم شوي ياك كيما تعرفو الدنيا كلش بالمكتوب شكلك رزقك خدمتك نصيبك كلش من عد ربي سبحانو علاش مانرضاوش بلي كتبها ربي وتلقا هاد لحوايج عدنا
السمراء........حلمها الوحيد تولي بيضاء
البيضاء........حابة ترجع سمراء قدر ولا حل
الطويل.........حاب يلقا طريقه ينقص بيها سنتيمات
القصير .........كون يلقا سنتيمات يتباعو يشريهم حتى كريدي وادا كانت بنت روح للصابو تاعها تلقا فيه 49 سم غير حشمت تالي دارت نص ميترة
السمان........هبلهم الريجيم
النحيفين....... ياكل 24 ساعه بش يستر غظمو
لي شعرو ولا شعرها اكحل .....تسبغ بش يرجع اصفر
لي شعرها اصفر..........ديقوتات من الصبيغة
لي عينيها سود.......دير لي لونتي زرق
لي عينيها خضر......حايرة واشمن كلور دير لعينيها
الفقير.......حب يشبع كش نهار
الغني.......مل من الشبعه تخم والفيشي ديما عد راسو
الخدام.......كره جد الخدمه وحب يريح
البطال.....يحلم نهار يشد خدمة
لي ضنايتها بنات........تحلم تجيب ولد
لي تجيب لولاد......كرهت منهم وتتوحم علا بنت
لي عايش فلصحراء .....حب يسيي المدينة
لي عايش فالمدينة......كره من الصخب والضوضاء ويتمنى يهرب للصحراء
لي شارية سروال ب 100 الف .....تقلك كون صبرش شوي وجبت تاع 250 الف
ولي شرات تاع 250.......تقلك كون غير زدت عليها وشريت....منفهمش فحوايج لبنات
وزيد وزيد ..... لي سونسيال مكاش لي راضي بحاجة وقتاش نتعلمو القناعة ونشدو في ربي ......طولت عليكم .....ايا صح فطوركم