حمار عم يتفلسف ع ابن ادم
عم يتفلسف الحمار و يخاطب إبن آدم و يقلو
عجبي عليك يا ابن آدم يا كبير الدار
قوّمت الدنيا و ما قعدتها لما قالولك حمار
شو يعني اسمي شتيمة و لا جنسي شي عار؟؟؟
خلقني ربي و خلقك و ما حدا بايدوا الاختيار
و أنا مهما زاد الحمل فوقي صابر على المشوار
لا بيوم أرفع عيني على جارتي و بصون الجار
و لا بيوم بطلّع على رزق غيري و بطقّ منو و بغار
و لا مهر أدفع لحمارتي و لا خواتم و لا سوار
و لا شقة أجمع بحقها
و لا أجهز دار
و لا حرمتي حامل تتوحم بدها كافيار ....
و لا ابن يدمن و يهلوس و يوقع و ينهار
عايش بحالي و متهني وليش بدي احتار
باكل و بشرب و أنهق و ما في عندي أسرار
و عندي ابن آدم يخدمني ليل و نهار
اذا جعت يشتري برسيمي بأغلى الأسعار
و اذا مرضت بيعالجني و يدعي الستار
خادم أمين من غير راتب و لا حتى ايجار
عرفت يا بني آدم مين فينا طلع الحمار
مين برأيكون الحمار ههههههههههههههههههههههههههه
موضوع: قصيدة.. حمار يتمسخر على بني ادم 
السبت سبتمبر 25, 2010 12:57 pm
